සඳ නැඟෙනා එක් මැදියම් රැයක
සිහිල් සීත රැලි හමන වෙලාවක
කණාමැදිරියන් පියඹන මොහොතක
අප සිත් බැඳුණා ආදර කවියක

සවනට මිහිරක් වුවා ඔබෙ කතාව
දෙනෙතට මිහිරක් වුවා ඔබෙ සිනාව
හිතකට මිහිරක් වුවා ඔබෙ ආලය
කඳුලක නැවතුන සුන්දර ප්‍රේමය

වෙන සිතකට ඔබ පෙම් බැඳි කාලේ
තත්පරයක් මට පැයක් වගේ
රිදුණත් මා හද ඉපදුණ ප්‍රේමේ
සිටියෙමි මා ඔබ එනතුරු ආයේ

දැණුනා ඔබ මාගේ නොවන බව
හිතුණා යන්න හිස හැරෙනා අතක
මැකුවා මා සිතින් ඔබේ මතක
බැඳුණා මා සිතත් වෙන හදක

යන්නෙමි ළගදීම මා ඔහු වෙනුවෙන්
ඉන්නෙමි මිතුරියක් වී මා ඔබ වෙනුවෙන්
ලිව්වෙමි කවි පෙළක් අපේ ප්‍රේමය වෙනුවෙන්
පතනෙමි සතුට හැමදාමත් ඔබ වෙනුවෙන්

ඔබ

සීතල වැහි බිදු වැටෙන වෙලාවක

දේදුනු අහසේ පාවෙන දවසක

නිල් සයුරේ රැලි හිනැහෙන මොහතක

ඔබ හමුවෙයි මට සොදුරු සැදැවක

කුරුලු කිරිලියන් පියඹා යද්දී

සිතිජ ඉමේ හිරු සැගවී යද්දී

රළ පෙළ වෙරළට පාවී එද්දී

ඔබ ලන්වෙයි මට ආදර හිත්දී

දෙනෙත් පියන් යට සිහින තනද්දී

ඇතුරුවේ හිත් මඩලේ මල් පියළී

ආදර හිත ලග මොහොතක් නැවතී

තුරුලුව ඉන්නට මම හරි කැමතී

ගැඹුරුයි ඔබේ ආදරය මට මහ සයුර වගේ

සුවදයි ඔබේ ආදරය පිපෙනා මලක් වගේ

සිසිලයි ඔබෙ ආදරය ගලනා දොළක් වගේ

ආදරෙයි ඔබට මා මේ නිල් අහස වගේ

ඇත-නැත

නැතිවෙන දේට පසුතැවිල්ල වැඩක් නැතේ..
ඇතිවෙන දේට ලෝබ සිතත් ඵලක් නැතේ..
ඇතිවෙන නැතිවෙන හැමදේම ස්ථිර බවක් නැතේ...
දුක නැතිකලොත් සසරේ නැවතුමක් ඇතේ...

ඉපදෙන කෙනෙක් කවදා හරි මැරෙනු ඇතේ...
මැරෙන කෙනෙක් හැමදාමත් සිතේ නැතේ...
ඇතිවෙන බැදිම් කොයි මොහොතක බිදෙනු ඇතේ...
කරන පිනක් මිස කිසිවක් ඵලක් නැතේ...

අවදිවීම

නිසල සිත සසල කල මම
පසුතැවෙමි අද
මන්ද
ඔබ තව තවත් සිත් නිකරුණේ
සසල කරන බැවින්...

අකමැත්ත

මැරෙන්න කොච්චර අකමැති උනත්
                 මැරෙන්නම වෙනවා
ඉපදෙන්න කොච්චර අකමැති උනත්  ආයේ
                 ඉපදෙන්නම වෙනවා
සමහර බැඳීම් අතහරින්න කොච්චර අකමැති උනත්
                 අතහරින්නම වෙනවා
සිත හදාගන්න කොච්චර බැරි උනත්
                 හදාගන්නම  වෙනවා

තුට

අහසට තුට
                -  සඳවත සිසිලස දීම
ගසකට තුට
                - සුවඳැති මල් පිබිදීම
සයුරට තුට
                - වෙරළට රැළි පාවීම
මසිතට තුට
                - නුඹ සිහිනෙන් පැමිණීම

අතහැරීම

  ලොව නිසා ඔබ -
         මා අතහැරියා...
ඔබ නිසා මම -
        ලොව අතහැරියා...